سنگ مرمر کی خنک بانہوں میں

سنگ مرمر کی خنک بانہوں میں

حسن خوابیدہ کے آگے مری آنکھیں شل ہیں

گنگ صدیوں کے تناظر میں کوئی بولتا ہے

وقت جذبے کے ترازو پہ زر و سیم و جواہر کی تڑپ تولتا ہے!

ہر نئے چاند پہ پتھر وہی سچ کہتے ہیں

اسی لمحے سے دمک اٹھتے میں ان کے چہرے

جس کی لو عمر گئے اک دل شب زاد کو مہتاب بنا آئی تھی!

اسی مہتاب کی اک نرم کرن

سانچۂ سنگ میں ڈھل پائی تو

عشق رنگ ابدیت سے سرافراز ہوا

کیا عجب نیند ہے

جس کو چھو کر

جو بھی آتا ہے کھلی آنکھ لیے آتا ہے

سو چکے خواب ابد دیکھنے والے کب کے

اور زمانہ ہے کہ اس خواب کی تعبیر لیے جاگ رہا ہے اب تک!

sang-e-marmar ki khunuk banhon mein

husn khwabida ke age miri ankhen shil hain

gang sadiyon ke tanazur mein koi bolta hai

waqt jazbe ke tarazu pe zar-o-sim-o-jawahir ki tarap tolta hai!

har nae chand pe patthar wahi sach kahte hain

isi lamhe se damak uthte mein un ke chehre

jis ki lau umr gae ik dil-e-shab zad ko mahtab bana ai thi!

isi mahtab ki ik narm kiran

sancha-e-sang mein dhal pai to

ishq rang abadiyyat se sarafraz hua

kya ajab nind hai

jis ko chhu kar

jo bhi ata hai khuli ankh liye ata hai

so chuke khwab abad dekhne wale kab ke

aur zamana hai ke is khwab ki taabir liye jag raha hai ab tak!