مجھے مت بتانا

مجھے مت بتانا

کہ تم نے مجھے چھوڑنے کا ارادہ کیا تھا

تو کیوں

اور کس وجہ سے

ابھی تو تمہارے بچھڑنے کا دکھ بھی نہیں کم ہوا

ابھی تو میں

باتوں کے وعدوں کے شہر طلسمات میں

آنکھ پر خوش گمانی کی پٹی لیے

تم کو پیڑوں کے پیچھے درختوں کے جھنڈ

اور دیوار کی پشت پر ڈھونڈنے میں مگن ہوں

کہیں پر تمہاری صدا اور کہیں پر تمہاری مہک

مجھ پہ ہنسنے میں مصروف ہے

ابھی تک تمہاری ہنسی سے نبرد آزما ہوں

اور اس جنگ میں

میرا ہتھیار

اپنی وفا پر بھروسہ ہے اور کچھ نہیں

اسے کند کرنے کی کوشش نہ کرنا

مجھے مت بتانا.....

mujhe mat batana

ke tum ne mujhe chhorne ka irada kya tha

to kyun

aur kis wajh se

abhi to tumhare bichharne ka dukh bhi nahin kam hua

abhi to main

baton ke waadon ke shahr tilismat mein

ankh par khush gumani ki piti liye

tum ko peron ke pichhe darakhton ke jhund

aur diwar ki pusht par dhundne mein magan hun

kahin par tumhari sada aur kahin par tumhari mahak

mujh pe hansne mein masruf hai

abhi tak tumhari hansi se nabard azma hun

aur is jang mein

mera hathiyar

apni wafa par bharosa hai aur kuchh nahin

use kand karne ki koshish na karna

mujhe mat batana.....