زندگی خار ہے گلاب بھی ہے

زندگی خار ہے گلاب بھی ہے

زندگی زندگی ہے خواب بھی ہے

پیار گنگا کی طرح ہے لیکن

پیار صحراؤں کا سراب بھی ہے

کسی انسان کی مدد کے لئے

جھوٹ کا بولنا ثواب بھی ہے

مسکراہٹ تو دیکھ بچوں کی

اس سے بہتر کوئی کتاب بھی ہے

اس سیاہی پہ تو یقیں مت کر

اس اندھیرے میں آفتاب بھی ہے

چھو کے دل اس نے ہاتھ کو چوما

اس ادا کا کوئی جواب بھی ہے

بات سوامیؔ کی تلخ ہے پھر بھی

بات سوچو تو لا جواب بھی ہے

zindagi khar hai gulab bhi hai

zindagi zindagi hai khwab bhi hai

pyar ganga ki tarah hai lekin

pyar sahraon ka sarab bhi hai

kisi insan ki madad ke liye

jhut ka bolna sawab bhi hai

muskurahat to dekh bachchon ki

is se behtar koi kitab bhi hai

is siyahi pe to yaqin mat kar

is andhere mein aftab bhi hai

chhu ke dil us ne hath ko chuma

is ada ka koi jawab bhi hai

bat suami ki talkh hai phir bhi

bat socho to la jawab bhi hai