اپنے سرد کمرے میں

اپنے سرد کمرے میں

میں اداس بیٹھی ہوں

نیم وا دریچوں سے

نم ہوائیں آتی ہیں

میرے جسم کو چھو کر

آگ سی لگاتی ہیں

تیرا نام لے لے کر

مجھ کو گدگداتی ہیں

کاش میرے پر ہوتے

تیرے پاس اڑ آتی

کاش میں ہوا ہوتی

تجھ کو چھو کے لوٹ آتی

میں نہیں مگر کچھ بھی

سنگ دل رواجوں کے

آہنی حصاروں میں

عمر قید کی ملزم

صرف ایک لڑکی ہوں!

apne sard kamre mein

main udas baithi hun

nim wa darichon se

nam hawaen ati hain

mere jism ko chhu kar

ag si lagati hain

tera nam le le kar

mujh ko gudgudati hain

kash mere par hote

tere pas ur ati

kash main hua hoti

tujh ko chhu ke laut ati

main nahin magar kuchh bhi

sang dil riwajon ke

ahani hisaron mein

umr qaid ki mulzim

sirf ek larki hun!