لڑکی سر کو جھکائے بیٹھی

لڑکی سر کو جھکائے بیٹھی

کافی کے پیالے میں چمچہ ہلا رہی ہے

لڑکا حیرت اور محبت کی شدت سے پاگل

لانبی پلکوں کے لرزیدہ سایوں کو

اپنی آنکھ سے چوم رہا ہے

دونوں میری نظر بچا کر

اک دوجے کو دیکھتے ہیں ہنس دیتے ہیں

میں دونوں سے دور

دریچے کے نزدیک

اپنی ہتھیلی پر اپنا چہرہ رکھے

کھڑکی سے باہر کا منظر دیکھ رہی ہوں

سوچ رہی ہوں

گئے دنوں میں ہم بھی یوں ہی ہنستے تھے

larki sar ko jhukae baithi

kafi ke pyale mein chamcha hila rahi hai

larka hairat aur mohabbat ki shiddat se pagal

lanabi palkon ke larzida sayon ko

apni ankh se chum raha hai

donon meri nazar bacha kar

ik duje ko dekhte hain hans dete hain

main donon se dur

dariche ke nazdik

apni hatheli par apna chehra rakhe

khirki se bahar ka manzar dekh rahi hun

soch rahi hun

gae dinon mein ham bhi yun hi hanste the