سبز مدھم روشنی میں سرخ آنچل کی دھنک

سبز مدھم روشنی میں سرخ آنچل کی دھنک

سرد کمرے میں مچلتی گرم سانسوں کی مہک

بازوؤں کے سخت حلقے میں کوئی نازک بدن

سلوٹیں ملبوس پر آنچل بھی کچھ ڈھلکا ہوا

گرمئ رخسار سے دہکی ہوئی ٹھنڈی ہوا

نرم زلفوں سے ملائم انگلیوں کی چھیڑ چھاڑ

سرخ ہونٹوں پر شرارت کے کسی لمحے کا عکس

ریشمیں بانہوں میں چوڑی کی کبھی مدھم کھنک

شرمگیں لہجوں میں دھیرے سے کبھی چاہت کی بات

دو دلوں کی دھڑکنوں میں گونجتی تھی اک صدا

کانپتے ہونٹوں پہ تھی اللہ سے صرف اک دعا

کاش یہ لمحے ٹھہر جائیں ٹھہر جائیں ذرا!

sabz maddham raushni mein surkh anchal ki dhanak

sard kamre mein machalti garm sanson ki mahak

bazuon ke sakht halqe mein koi nazuk badan

saluten malbus par anchal bhi kuchh dhalka hua

garmi-e-rukhsar se dahki hui thandi hua

narm zulfon se mulaim ungliyon ki chher chhar

surkh honton par shararat ke kisi lamhe ka aks

reshamen banhon mein chauri ki kabhi maddham khanak

sharmgin lahjon mein dhire se kabhi chahat ki bat

do dilon ki dharkanon mein gunjti thi ik sada

kanpte honton pe thi allah se sirf ik dua

kash ye lamhe thahar jaen thahar jaen zara!