خاک کو خاک کرنا ضروری ہے گر

خاک کو خاک کرنا ضروری ہے گر

ایسی مٹی میں مجھ کو ملا کوزہ گر

جس سے بچے کا کوئی کھلونا بنے

ننھے ہونٹوں پہ جس سے ہنسی سج سکے

یا مجھے رکھ کسی چاک پہ اس طرح

میری مٹی ملا کر بنے اک دیا

جو اندھیرے گھروں میں اجالا کرے

اور دئے سے دیا روز جلتا رہے

یوں دیا روشنی چاک باقی رہے

خاک ہو کر مری خاک باقی رہے

khak ko khak karna zaruri hai gar

aisi mitti mein mujh ko mila kuza gar

jis se bachche ka koi khilauna bane

nanhe honton pe jis se hansi saj sake

ya mujhe rakh kisi chak pe is tarah

meri mitti mila kar bane ik diya

jo andhere gharon mein ujala kare

aur diye se diya roz jalta rahe

yun diya raushni chak baqi rahe

khak ho kar miri khak baqi rahe