دیکھا تو کوئی اور تھا سوچا تو کوئی اور

دیکھا تو کوئی اور تھا سوچا تو کوئی اور

جب آ کے ملا اور تھا چاہا تو کوئی اور

اس شخص کے چہرے میں کئی رنگ چھپے تھے

چپ تھا تو کوئی اور تھا بولا تو کوئی اور

دو چار قدم پر ہی بدلتے ہوئے دیکھا

ٹھہرا تو کوئی اور تھا گزرا تو کوئی اور

تم جان کے بھی اس کو نہ پہچان سکو گے

انجانے میں وہ اور ہے جانا تو کوئی اور

الجھن میں ہوں کھو دوں کہ اسے پا لوں کروں کیا

کھونے پہ وہ کچھ اور ہے پایا تو کوئی اور

دشمن بھی ہے ہم راز بھی انجان بھی ہے وہ

کیا اشکؔ نے سمجھا اسے وہ تھا تو کوئی اور

dekha to koi aur tha socha to koi aur

jab a ke mila aur tha chaha to koi aur

us shakhs ke chehre mein kai rang chhupe the

chup tha to koi aur tha bola to koi aur

do char qadam par hi badalte hue dekha

thahra to koi aur tha guzra to koi aur

tum jan ke bhi us ko na pahchan sakoge

anjane mein wo aur hai jana to koi aur

uljhan mein hun kho dun ke use pa lun karun kya

khone pe wo kuchh aur hai paya to koi aur

dushman bhi hai ham raz bhi anjan bhi hai wo

kya ashk ne samjha use wo tha to koi aur