تری زمیں سے اٹھیں گے تو آسماں ہوں گے

تری زمیں سے اٹھیں گے تو آسماں ہوں گے

ہم ایسے لوگ زمانے میں پھر کہاں ہوں گے

چلے گئے تو پکارے گی ہر صدا ہم کو

نہ جانے کتنی زبانوں سے ہم بیاں ہوں گے

لہو لہو کے سوا کچھ نہ دیکھ پاؤ گے

ہمارے نقش قدم اس قدر عیاں ہوں گے

سمیٹ لیجئے بھیگے ہوئے ہر اک پل کو

بکھر گئے جو یہ موتی تو رائیگاں ہوں گے

اچاٹ دل کا ٹھکانا کسی کو کیا معلوم

ہم اپنے آپ سے بچھڑے تو پھر کہاں ہوں گے

ہیں اپنی موج کے بہتے ہوئے سمندر ہم

تمام دشت جنوں میں رواں دواں ہوں گے

یہ بزم یار ہے قربان جائیے اس پر

سنا ہے اشکؔ یہاں دل سبھی جواں ہوں گے

tiri zamin se uthenge to asman honge

ham aise log zamane mein phir kahan honge

chale gae to pukaregi har sada ham ko

na jane kitni zabanon se ham bayan honge

lahu lahu ke siwa kuchh na dekh paoge

hamare naqsh-e-qadam is qadar ayan honge

samet lijiye bhige hue har ik pal ko

bikhar gae jo ye moti to raigan honge

uchat dil ka thikana kisi ko kya maalum

ham apne ap se bichhre to phir kahan honge

hain apni mauj ke bahte hue samundar ham

tamam dasht-e-junun mein rawan dawan honge

ye bazm-e-yar hai qurban jaiye us par

suna hai ashk yahan dil sabhi jawan honge