زخموں کے انبار، در و دیوار بھی

زخموں کے انبار، در و دیوار بھی

سونے لگتے ہیں

خوشیوں کے دریا میں اتنی چوٹ لگی

کہ اب اس میں چلتے رہنا دشوار ہوا

سڑکوں پر چلتے پھرتے شاداب سے چہرے سوکھ گئے

وہ موسم جس کو آنا تھا، وہ آ بھی گیا

اور چھا بھی گیا

اشجار کے نیلے گوشوں سے اب زہر سا رستا رہتا ہے

گل زار خزاں کے شعلوں میں ہر لمحہ سلگتا رہتا ہے

اس خواب پریشاں میں کب تک

اس روح اذیت خوردہ کو تم قید رکھو گے

چھوڑ بھی دو!

اس روح اذیت خوردہ کو

zakhmon ke ambar, dar-o-diwar bhi

sone lagte hain

khushiyon ke dariya mein itni chot lagi

ke ab is mein chalte rahna dushwar hua

sarkon par chalte phirte shadab se chehre sukh gae

wo mausam jis ko ana tha, wo a bhi gaya

aur chha bhi gaya

ashjar ke nile goshon se ab zahr sa rasta rahta hai

gul zar khizan ke sholon mein har lamha sulagta rahta hai

is khwab-e-pareshan mein kab tak

is ruh aziyyat khurda ko tum qaid rakhoge

chhor bhi do!

is ruh aziyyat khurda ko