کریں سلام اسے تو کوئی جواب نہ دے
Ibrahim Ashk (b. 1951)کریں سلام اسے تو کوئی جواب نہ دے
الٰہی اتنا بھی اس شخص کو حجاب نہ دے
تمام شہر کے چہروں کو پڑھنے نکلا ہوں
اے میرے دوست مرے ہاتھ میں کتاب نہ دے
کچھ اور دے مرے ساقی مجھے شراب نہ دے
میں تجھ کو دیکھ کے تیرے بھرم کو جان سکوں
اک آدمی ہوں ذرا سوچ ایسی تاب نہ دے
وہ مل نہ پائے اگر مجھ کو اس زمانے میں
تو ایسی حور کا دنیا میں کوئی خواب نہ دے
یہ میرے فن کی طلب ہے کہ دل کی بات کہوں
وہ اشکؔ دے کہ زمانے کو انقلاب نہ دے
karen salam use to koi jawab na de
ilahi itna bhi us shakhs ko hijab na de
tamam shahr ke chehron ko parhne nikla hun
ai mere dost mire hath mein kitab na de
kuchh aur de mire saqi mujhe sharab na de
main tujh ko dekh ke tere bharam ko jan sakun
ik admi hun zara soch aisi tab na de
wo mil na pae agar mujh ko is zamane mein
tu aisi hur ka duniya mein koi khwab na de
ye mere fan ki talab hai ke dil ki bat kahun
wo ashk de ke zamane ko inqilab na de