جب ریت کا صحرا دیکھ کے ڈر جاتا ہے ادیب کا سینہ بھی

جب ریت کا صحرا دیکھ کے ڈر جاتا ہے ادیب کا سینہ بھی

وہ لمحے اکثر آتے ہیں

جب ذہن کے سارے پردے اٹکے اٹکے سے رہ جاتے ہیں

جب شور مچاتی شاخ زباں سے سارے پرندے مر مر کے

گر جاتے ہیں

وہ لمحے اکثر آتے ہیں

جب آوازوں کے پنجر

اپنے سوکھے سوکھے ہاتھ لیے

میرے سر پر چھا جاتے ہیں

اور میں گھبرا سا جاتا ہوں

اک قبرستان کی تنہائی

اک بے معنی خالی رستہ

اور دو پاؤں کی خالی خالی تھکی تھکی سی چاپ

تو اپنے آپ سے بھی ڈر جاتا ہوں

جب ریت کا صحرا دیکھ کے ڈر جاتا ہے قلم کا سینہ بھی

وہ لمحے اکثر آتے ہیں

jab ret ka sahra dekh ke dar jata hai adib ka sina bhi

wo lamhe aksar ate hain

jab zehn ke sare parde atke atke se rah jate hain

jab shor machati shakh zaban se sare parinde mar mar ke

gir jate hain

wo lamhe aksar ate hain

jab awazon ke pinjar

apne sukhe sukhe hath liye

mere sar par chha jate hain

aur main ghabra sa jata hun

ik qabristan ki tanhai

ik be maani khali rasta

aur do paon ki khali khali thaki thaki si chap

tu apne ap se bhi dar jata hun

jab ret ka sahra dekh ke dar jata hai qalam ka sina bhi

wo lamhe aksar ate hain