بارہویں مرتبہ

بارہویں مرتبہ

موت کا خواب تکمیل تک آتے آتے کہیں رہ گیا ہے

مجھے کوئی زخموں کے ٹانکے لگانا سکھا دے

تو میں اپنا چمڑا اسے دان کر دوں گا

پھر چاہے وہ اس کے جوتے بنائے

یا اپنی بلاؤں کا صدقہ اتارے

اگر دیوتاؤں میں جھگڑا ہوا اور تم اس زمیں پر

کسی ان سنے قہقہے کے شکم سے بر آمد ہوئے

تو میں اپنی پوروں پہ اگتی ہوئی رات سے تم میں اتنی اداسی بھروں گا

کہ تم چیختے چیختے ایک دم ہست ہونے لگو گے

لپٹ جاؤ گے مجھ میں پیوست ہونے لگو گے

مگر میں ابھی تیرہواں خواب آنکھوں میں پیوست کرنے لگا ہوں

barhawen martaba

maut ka khwab takmil tak ate ate kahin rah gaya hai

mujhe koi zakhmon ke tanke lagana sikha de

to main apna chamra use dan kar dunga

phir chahe wo us ke jote banae

ya apni balaon ka sadqa utare

agar dewtaon mein jhagra hua aur tum is zamin par

kisi an sune qahqahe ke shikam se bar amad hue

to main apni poron pe ugti hui rat se tum mein itni udasi bharunga

ke tum chikhte chikhte ek dam hast hone lagoge

lipat jaoge mujh mein paiwast hone lagoge

magar main abhi tirawan khwab ankhon mein paiwast karne laga hun