مجھے حسرت ہے

مجھے حسرت ہے

میرا نظم کردہ فلسفہ تم کو سمجھ آئے

تمہارے جسم سے مجھ تک جو دوری ہے

تمہیں معلوم ہو یہ ایک تھیوری ہے

آدم نام کا دھبا

زمین و آسماں کا فاصلہ طے کر کے تم کو صرف اتنا بولنے آیا ہوں

سن لو

مجھے آنکھوں کے ہر ویران سپنے کی قسم ہے

تمہارے جسم کی تخلیق کے دوران جو مٹی بچی تھی

اسی مٹی سے میری روح پیچیدہ بنی ہے

حریم من

برہمن نام کی اونچی پہاڑی سے محبت نام کا جھرنا نکلنے تک

مجھے شودر سمجھنا

اگرچہ میں تمہاری پاک مٹی سے بنا ہوں

مجھے تصویر کرنا

حنا کی انگلیوں پر پھوٹتے رنگوں سے خود میں رنگ بھرنا مسکرانا

اور مجھ کو سوچ لینا بھول جانا

سوائے لمس میں دنیا کے ہر جذبے کی خالص شکل میں تم کو ملوں گا

ڈھونڈھنا

تعویذ مت کرنا مجھے اپنے گلے کا

ہمارے بیچ چھو لینے کی آسانی نہیں ہے

حریم جان

میں ایسا صحیفہ ہوں جو اترا ہوں تمہارے پاک سینے میں

اگر تم چاہتی ہو میں امر ہو جاؤں تو پھر

مجھے محسوس کرنا

ساحلی مٹی سے آدم ذات کی تخلیق ہونے تک

mujhe hasrat hai

mera nazm karda falsafa tum ko samajh ae

tumhare jism se mujh tak jo duri hai

tumhen maalum ho ye ek thiwri hai

adam nam ka dhabba

zamin-o-asman ka fasla tai kar ke tum ko sirf itna bolne aya hun

sun lo

mujhe ankhon ke har wiran sapne ki qasam hai

tumhare jism ki takhliq ke dauran jo mitti bachi thi

isi mitti se meri ruh pechida bani hai

harim-e-man

barahman nam ki unchi pahari se mohabbat nam ka jharna nikalne tak

mujhe shudar samajhna

agarche mein tumhari pak mitti se bana hun

mujhe taswir karna

hina ki ungliyon par phutte rangon se khud mein rang bharna muskurana

aur mujh ko soch lena bhul jana

siwae lams mein duniya ke har jazbe ki khalis shakl mein tum ko milunga

dhundhna

taawiz mat karna mujhe apne gale ka

hamare bich chhu lene ki asani nahin hai

harim-e-jan

main aisa sahifa hun jo utra hun tumhare pak sine mein

agar tum chahti ho main amar ho jaun to phir

mujhe mahsus karna

sahili mitti se adam zat ki takhliq hone tak