دیا بجھا دو

دیا بجھا دو

اب اندھیرے سے خطرہ نہیں

روشنی کے ڈسنے کا

امکان زیادہ ہے

بخار کی حدت میں بہتے وجود پر

اک وجد طاری ہو گیا

تڑپتی روح سے جڑا لا شعوری حاشیہ دیکھ کر

سانسوں کی مہک بدلنے لگی

جسم جلنے کی بدبو سے اکتائے

کمرے کی وحشت منہ چھپائے

اک کونے میں بیٹھی آگ

سرد گوں ہے

چیخ کا دورانیہ

رات کے آخری پہر تک محدود تھا

خزاؤں کی مجموعی حکمت عملی

بہار شکست کھاتی دکھائی دی

دن کے سائے بڑھنے لگے

اور پھر پھول نے خودکشی کی

جس میں زندگی کی سوئی ناچتی ہے

وہ لمحہ مر گیا ہے

کوئی قہقہہ گونجتا ہوا سماعتوں پہ تھپڑ لگا

ہنسنے سے وحشت بیدار ہونے لگی

انسانی آوازوں کی گونج سے دور بھاگتی

چناب کنارے ریت پر بیٹھی میں

کیا لکھوں

سیاہی سرخ ہے اور

میرا کاغذ کئی جنموں سے سفید ہے

diya bujha do

ab andhere se khatra nahin

raushni ke dasne ka

imkan ziyada hai

bukhar ki hiddat mein bahte wajud par

ik wajd tari ho gaya

tarapti ruh se jura la shuuri hashiya dekh kar

sanson ki mahak badalne lagi

jism jalne ki badbu se uktae

kamre ki wahshat munh chhupae

ik kone mein baithi ag

sard gun hai

chikh ka dauraniya

rat ke akhiri pahar tak mahdud tha

khazaon ki majmui hikmat-e-amali

bahar shikast khati dikhai di

din ke sae barhne lage

aur phir phul ne khudkushi ki

jis mein zindagi ki soi nachti hai

wo lamha mar gaya hai

koi qahqaha gunjta hua samaaton pe thappar laga

hansne se wahshat bedar hone lagi

insani awazon ki gunj se dur bhagti

chunab kinare ret par baithi mein

kya likhun

siyahi surkh hai aur

mera kaghaz kai janmon se safed hai