خزاں کی دستک

خزاں کی دستک

دھند میں لپٹے رستے

سرد ہوا کے تھپیڑوں سے

نبرد آزما ہیں

الاؤ کے پاس

شال اوڑھے

کاغذ کے ٹکڑوں میں

متاع حیات جلاتی ہوئی لڑکی

داستان دل سناتے ہوئے

آنسوؤں کے چند قطرے گرے

آگ سسک اٹھی

سناٹے کی دہشت

کسی طوفاں کا پیش خیمہ ہو سکتی ہے

ٹک ٹک ٹک

گھڑی کی کوک سنتے

سماعتیں ساتھ چھوڑنے لگیں

منظر دھندلا گئے

وجود کے صحرا میں

ریت اڑنے لگی

اور خامشی

اس کے لبوں پہ جا کر سو گئی

khizan ki dastak

dhund mein lipte raste

sard hawa ke thaperon se

nabard azma hain

alao ke pas

shal orhe

kaghaz ke tukron mein

mata-e-hayat jalati hui larki

dastan-e-dil sunate hue

ansuon ke chand qatre gire

ag sisak uthi

sannate ki dahshat

kisi tufan ka pesh khema ho sakti hai

tuk tuk tuk

ghari ki kok sunte

samaaten sath chhorne lagen

manzar dhundla gae

wajud ke sahra mein

ret urne lagi

aur khamushi

us ke labon pe ja kar so gai