کائناتی وسعت دیکھنے کے لیے

کائناتی وسعت دیکھنے کے لیے

میں نے گول دائرے میں قدم رکھا

اس خلا کو

ایک نئی روشنی بھر سکتی ہے

دشوار راہ میں ڈھونڈھنا آسان نہیں

وہ آخری مقام

جس پہ

کوئی مقالہ نہیں لکھا گیا

سوال چیخ رہا ہے

قلب الابیض سے نکلتی کوک

جب سماعتوں سے ٹکرا کر گونگی ہوئی

مجھے پھر سفید پھول رکھ کر

تحقیقی مضامین لکھنے پڑے

منزل قریب آنے لگی

قدم رکنے لگے

آنکھوں کا سارا نور

مجتمع کر کے دیکھا

روٹی ایک حصار میں جگمگا رہی تھی

جنت سے نکالے جانے سے لے کر آج تک

طلب کا آخری مقام بھوک ہے

kainati wusat dekhne ke liye

main ne gol daire mein qadam rakha

is khala ko

ek nai raushni bhar sakti hai

dushwar rah mein dhundhna asan nahin

wo akhiri maqam

jis pe

koi maqala nahin likha gaya

sawal chikh raha hai

qalb illabaiz se nikalti kok

jab samaaton se takra kar gungi hui

mujhe phir safed phul rakh kar

tahqiqi mazamin likhne pare

manzil qarib ane lagi

qadam rukne lage

ankhon ka sara nur

mujtamaa kar ke dekha

roti ek hisar mein jagmaga rahi thi

jannat se nikale jane se le kar aj tak

talab ka akhiri maqam bhuk hai