دل اتنی شدت سے دھڑکا

دل اتنی شدت سے دھڑکا

کہ آنکھ کو درد کا قطرہ

سیاہ دکھانا پڑا

زندگی کی زنگ آلود

زنجیروں میں جکڑا وجود

آخری شب کا

ذائقہ چکھتے ہوئے

کسی تانترک کا منتظر ہے

عشق کیا ہے

سوال نے کیفیت کا نچوڑ مانگا

تمام تر بے سر و سامانی اکٹھی کر کے

نمکین پانی

رائگانی کی کہانی لکھ رہا تھا

وجود کو وجود میں فنا کرنے کا گر آ جائے

تو فلسفۂ عشق وجود میں آتا ہے

پیکر جمال شاہزادی کی آنکھیں

زرد رنگ کا حوالہ بنیں

تو درد کے اک نئے نام کی تخلیق ہوئی

مائیگرین کا علاج ابھی دریافت نہیں ہو سکا

dil itni shiddat se dharka

ke ankh ko dard ka qatra

siyah dikhana para

zindagi ki zang alud

zanjiron mein jakra wajud

akhiri shab ka

zaiqa chakhte hue

kisi tantarik ka muntazir hai

ishq kya hai

sawal ne kaifiyat ka nichor manga

tamam tar be sar-o-samani ikatthi kar ke

namkin pani

raigani ki kahani likh raha tha

wajud ko wajud mein fana karne ka gar a jae

tu falsafa-e-ishq wajud mein ata hai

paikar-e-jamal shahzadi ki ankhen

zard rang ka hawala banen

tu dard ke ik nae nam ki takhliq hui

maigirin ka ilaj abhi daryaft nahin ho saka