کیسے پکاروں کہ میری پکار کا جواب آئے

کیسے پکاروں کہ میری پکار کا جواب آئے

سماعتیں بنجر

اور صدا بیوہ ہو گئی

مدت ہوئی

آپ کی آواز کو اس طرف

اور میری صدا آپ تک پہنچے

میری تو ہلکی سی آہٹ بھی سن لیتی تھیں

اب سسکیوں کی آواز نہیں سنتیں

میں تھک جاتی

تو آپ کی گود

فوراً تھکن کا احساس تک جذب کر لیتی تھی

سارے زمانے کے پھول اور عطر

مل کر بھی

آپ کی خوشبو نہیں بنا سکے

ماں جی

آپ جانتی تھیں نا

بیٹیاں ماں کے بغیر ادھوری ہوتی ہیں

اور آپ مجھے ادھورا کر گئیں

آپ کو پتہ ہے

میں بابا جان کے ساتھ جہاں بھی جاؤں

اب

کوئی سفر مکمل نہیں ہوتا

میں چاہوں بھی تو

آپ کے بغیر مکمل نہیں ہو پاتی

ماں جی

جب آپ نے آخری بار مجھے کہا تھا

بیٹا سب کچھ تیرے حوالے

تو جانتی ہیں

اسی لمحے میری کل کائنات لٹ گئی

وہ شام پھر شام غریباں بنی

آپ کی سونپی تمام ذمہ داریاں ادا کر رہی ہوں

لیکن

سنئے نا ماں جی

یہ تھکن کیسے اترے گی

تیری گود کا نعم البدل بنانا

خدا کی مشیت میں نہ تھا

kaise pukarun ke meri pukar ka jawab ae

samaaten banjar

aur sada bewa ho gai

muddat hui

ap ki awaz ko is taraf

aur meri sada ap tak pahunche

meri to halki si ahat bhi sun leti thin

ab siskiyon ki awaz nahin suntin

main thak jati

tu ap ki god

fauran thakan ka ehsas tak jazb kar leti thi

sare zamane ke phul aur itr

mil kar bhi

ap ki khushbu nahin bana sake

man ji

ap janti thin na

betiyan man ke baghair adhuri hoti hain

aur ap mujhe adhura kar gain

ap ko pata hai

main baba jan ke sath jahan bhi jaun

ab

koi safar mukammal nahin hota

main chahun bhi to

ap ke baghair mukammal nahin ho pati

man ji

jab ap ne akhiri bar mujhe kaha tha

beta sab kuchh tere hawale

tu janti hain

isi lamhe meri kal kainat lut gai

wo sham phir sham-e-ghariban bani

ap ki saunpi tamam zimma dariyan ada kar rahi hun

lekin

suniye na man ji

ye thakan kaise utregi

teri god ka naam albadal banana

khuda ki mashiyyat mein na tha