چائے کا آدھا کپ ہاتھ میں لیے

چائے کا آدھا کپ ہاتھ میں لیے

وہ سیڑھیوں پہ جا بیٹھی

رات

آخری سانسیں لے رہی تھی

چہرے پہ تھکن کے آثار واضح تھے

خشک ہونٹ

خالی نگاہیں

دل عجیب اضطراب کا شکار تھا

کوئی داغ سلگ رہا ہو جیسے

وہ شاید رونا چاہ رہی تھی

مگر آنسو

خشک ہو چکے تھے

اور آنکھیں صحرا

کوئی ہجر

آخری سانسیں لے رہا تھا

دور مسجد میں اذان کی آواز گونجی

وہ اٹھی

بارگاہ الٰہی میں سجدہ ریز ہو گئی

خشک آنکھیں تر ہو چکی تھیں

ہاں

وہ چائے کا آدھا کپ

ہجر سمیت

وہاں سیڑھیوں پہ ہی ٹھنڈا ہو چکا تھا

chae ka adha kap hath mein liye

wo sirhiyon pe ja baithi

rat

akhiri sansen le rahi thi

chehre pe thakan ke asar wazeh the

khushk hont

khali nigahen

dil ajib iztirab ka shikar tha

koi dagh sulag raha ho jaise

wo shayad rona chah rahi thi

magar ansu

khushk ho chuke the

aur ankhen sahra

koi hijr

akhiri sansen le raha tha

dur masjid mein azan ki awaz gunji

wo uthi

bargah-e-ilahi mein sajda rez ho gai

khushk ankhen tar ho chuki thin

han

wo chae ka adha kap

hijr samet

wahan sirhiyon pe hi thanda ho chuka tha