اے لیلیٔ جمہوریت

اے لیلیٔ جمہوریت

اے دلبر ہندوستاں

تجھ سے فروغ شمع شب

محفل میں لو کی ابتدا

اہل وفا کے دیس میں

تاریخ نو کی ابتدا

ظلمت بد اماں خاک پر

سورج کی ضو کی ابتدا

ہر لب پہ تیری داستاں

زلفیں تری عنبر فشاں

اے دلبر ہندوستاں

تو اپنے دست ناز میں

اک خوش نما پرچم لئے

اپنے جلو میں نو بہ نو

خوشیوں کا اک عالم لئے

منزل کے راہی کے لئے

اک رو لئے اک رم لئے

ہنستی ہوئی گاتی ہوئی

آواز سی دیتی ہوئی

سنگیت کی ہر تان میں

درس عمل دیتی ہوئی

بن کر امنگوں کا نشاں

آئی ہمارے درمیاں

اے دلبر ہندوستاں

اب جگمگاتی راہ ہے

اور رہروؤں کے قافلے

اب تیز ہیں سب کے قدم

اب مٹ رہے ہیں فاصلے

اب زندگی ہے وجد میں

اب جاگتے ہیں ولولے

تھک کر کوئی سوتا نہیں

اب پیڑ کے سائے تلے

نغمات آزادی کی دھن

کتنی جنوں انگیز ہے

اب نشۂ مے ہے سوا

اب ساز کی لے تیز ہے

اب روح کو حاصل یہاں

صد عشرت پرویز ہے

مسرور ہیں پیر و جواں

اے دلبر ہندوستاں

تیری حد شاداب میں

گنگ و جمن آباد ہیں

کہسار کے ہیں سلسلے

دشت و دمن آباد ہیں

اہل یقیں آباد ہیں

ارباب فن آباد ہیں

مہتاب اور تارے لئے

نیلے گگن آباد ہیں

جنت نشاں کشمیر کے

رنگیں چمن آباد ہیں

جو ہیں ہماری آبرو

ہیں جمن کے ہم سب پاسباں

اے دلبر ہندوستاں

آ ہم ترے آنچل تلے

پرچم ترا اونچا کریں

تیری حفاظت کے لئے

سیف و قلم یکجا کریں

تجھ کو بنائیں کامراں

اے دلبر ہندوستاں

مفہوم آزادی ہے کیا

نور سحر کی جستجو

کیا ہے متاع حریت

انساں کے دل کی آرزو

صد آفریں بر دور مے

آزاد ہیں جام و سبو

آزاد ہے پائل کی دھن

آزاد ہے زلفوں کی بو

آزاد ہے سوز جگر

آزاد ہے دل کا لہو

آزاد ہے ذوق سفر

آزاد ہے جینے کی خو

جائے نہ کیوں دل کی لگن

محفل بہ محفل کو بہ کو

صد مرحبا پوری ہوئی

وہ حسرت کیف نمو

جس کے سبب برباد تھا

صدیوں سے اپنا کارواں

اے دلبر ہندوستاں

تو ظلمتوں کے سیل میں

شمع فروزاں بن گئی

شب تاب افق پر ہند کے

نور درخشاں بن گئی

وادیٔ نکہت بیز میں

جوئے خراماں بن گئی

خوشبو سے جس کی چار سو

وہ زلف جاناں بن گئی

دل کا سکوں آرام جاں

اے دلبر ہندوستاں

ai laila-e-jamhuriyat

ai dilbar hindostan

tujh se farogh-e-sham-e-shab

mahfil mein lo ki ibtida

ahl-e-wafa ke des mein

tarikh nau ki ibtida

zulmat bad aman khak par

suraj ki zau ki ibtida

har lab pe teri dastan

zulfen tiri ambar fishan

ai dilbar hindostan

tu apne dast-e-naz mein

ik khush numa parcham liye

apne jilau mein nau ba nau

khushiyon ka ik alam liye

manzil ke rahi ke liye

ik ro liye ik ram liye

hansti hui gati hui

awaz si deti hui

sangit ki har tan mein

dars-e-amal deti hui

ban kar umangon ka nishan

ai hamare darmiyan

ai dilbar hindostan

ab jagmagati rah hai

aur rahrauon ke qafile

ab tez hain sab ke qadam

ab mit rahe hain fasle

ab zindagi hai wajd mein

ab jagte hain walwale

thak kar koi sota nahin

ab per ke sae tale

naghmat azadi ki dhun

kitni junun angez hai

ab nasha-e-mai hai siwa

ab saz ki le tez hai

ab ruh ko hasil yahan

sad ishrat-e-parwez hai

masrur hain pir-o-jawan

ai dilbar hindostan

teri had-e-shadab mein

gang-o-jaman abad hain

kohsar ke hain silsile

dasht-o-daman abad hain

ahl-e-yaqin abad hain

arbab-e-fan abad hain

mahtab aur tare liye

nile gagan abad hain

jannat nishan kashmir ke

rangin chaman abad hain

jo hain hamari abru

hain jaman ke ham sab pasban

ai dilbar hindostan

a ham tire anchal tale

parcham tira uncha karen

teri hifazat ke liye

saif-o-qalam yakja karen

tujh ko banaen kamran

ai dilbar hindostan

mafhum-e-azadi hai kya

nur-e-sahar ki justuju

kya hai mata-e-hurriyyat

insan ke dil ki arzu

sad afrin bar daur-e-mai

azad hain jam-o-subu

azad hai pail ki dhun

azad hai zulfon ki bu

azad hai soz-e-jigar

azad hai dil ka lahu

azad hai zauq-e-safar

azad hai jine ki khu

jae na kyun dil ki lagan

mahfil ba mahfil ku ba ku

sad marhaba puri hui

wo hasrat kaif-e-numu

jis ke sabab barbad tha

sadiyon se apna karwan

ai dilbar hindostan

tu zulmaton ke sail mein

shama farozan ban gai

shab tab ufuq par hind ke

nur-e-darakhshan ban gai

wadi-e-nikhat bez mein

ju-e-khiraman ban gai

khushbu se jis ki char su

wo zulf janan ban gai

dil ka sakun aram-e-jan

ai dilbar hindostan