خطۂ ارض پہ ایسی بھی جگہ ہے کہ جہاں

خطۂ ارض پہ ایسی بھی جگہ ہے کہ جہاں

شب میں تاریک اجالے کا گماں ہوتا ہے

ایسے منظر کو میں دن یا شب دیجور کہوں

عقل حیراں ہے کہ ایسا بھی کہاں ہوتا ہے

گردش شمس و قمر کا ہے عجب سر نہاں

نیم شب دور افق سے کہیں کرنیں پھوٹیں

ایسی ترتیب میں کیا مصلحت یزداں ہے

عرش اور فرش جہاں صورت ہنگام ملیں

اس کو تقویم کی میعاد سے منسوب کریں

یا کہ سورج کا زمیں سے ہے بہت دور سفر

اپنے محور پہ گزرنے میں مہ و سال یہاں

نیم شب مہر نکلتا ہے بہ انداز دگر

لوگ کہتے ہیں یہ معمول شب و روز کا ہے

کچھ یہ کہتے ہیں کہ موسم کا ہے انداز نیا

گردش ارض و سماں کا ہے یہ مربوط نظام

یہ حقیقت میں کرشمہ ہے خداوندی کا

khitta-e-arz pe aisi bhi jagah hai ke jahan

shab mein tarik ujale ka guman hota hai

aise manzar ko main din ya shab-e-dijaur kahun

aql hairan hai ke aisa bhi kahan hota hai

gardish-e-shams-o-qamar ka hai ajab sar-e-nihan

nim shab dur ufuq se kahin kirnen phuten

aisi tartib mein kya maslahat-e-yazdan hai

arsh aur farsh jahan surat-e-hangam-e-milen

us ko taqwim ki miad se mansub karen

ya ke suraj ka zamin se hai bahut daur-e-safar

apne mehwar pe guzarne mein mah-o-sal yahan

nim shab mehr nikalta hai ba andaz-e-digar

log kahte hain ye maamul shab-o-roz ka hai

kuchh ye kahte hain ke mausam ka hai andaz naya

gardish-e-arz-o-saman ka hai ye marbut nizam

ye haqiqat mein karishma hai khudawandi ka