Arooz is now on the App Store, for iPhone and iPad. Download →

All poetry

ایک عجیب خواہش ہے

Naeem Zarrar Ahmad (b. 1965)

ایک عجیب خواہش ہے

اس زمیں کے کونے میں

صرف مہ جبینوں کی

سب کی سب حسینوں کی

اپنی ایک بستی ہو

زندگی جہاں ہر پل کھلکھلا کے ہنستی ہو

رنگ و نور کی بارش

ہر گھڑی برستی ہو

سب غزال نینوں میں

شوخ سی شرارت ہو

ان کی جنبش لب سے

زندگی عبارت ہو

خوشیوں کا جھمیلا ہو

پلکوں پہ ستارے ہوں

روشنی کا ریلا ہو

خوشبوؤں کا میلہ ہو

اور مہ جبینوں کی اس حسین بستی میں

ایک صرف میرا ہی

چوڑیوں کا ٹھیلہ ہو