پاکستان کے سارے شہرو زندہ رہو پایندہ رہو

پاکستان کے سارے شہرو زندہ رہو پایندہ رہو

روشنیوں رنگوں کی لہرو زندہ رہو پایندہ رہو

باطل سے تم کبھی نہ ڈرنا

ظلم کبھی منظور نہ کرنا

عظمت و ہیبت کی دیوارو زندہ رہو پایندہ رہو

عکس پڑیں جس جگہ تمہارے

چمکیں زمینیں ان کی ضیا سے

میرے وطن کے چاند ستارو زندہ رہو پایندہ رہو

موسم آئیں گزرتے جائیں

تم پر رنگ برستے جائیں

ارض خدا پہ مہکتے باغو زندہ رہو پایندہ رہو

حق کی رضا ہے ساتھ تمہارے

میری وفا ہے ساتھ تمہارے

نئے اجالوں کے سر چشمو زندہ رہو پایندہ رہو

pakistan ke sare shahro zinda raho painda raho

raushniyon rangon ki lahro zinda raho painda raho

batil se tum kabhi na darna

zulm kabhi manzur na karna

azmat-o-haibat ki diwaro zinda raho painda raho

aks paren jis jagah tumhare

chamken zaminen un ki ziya se

mere watan ke chand sitaro zinda raho painda raho

mausam aen guzarte jaen

tum par rang baraste jaen

arz-e-khuda pe mahakte bagho zinda raho painda raho

haq ki raza hai sath tumhare

meri wafa hai sath tumhare

nae ujalon ke sar chashmo zinda raho painda raho