اداس یادوں کی مضمحل رات بیت بھی جا

اداس یادوں کی مضمحل رات بیت بھی جا

کہ میری آنکھوں میں اب لہو ہے نہ خواب کوئی

میں سب دئیے طاق آرزو کے بجھا چکا ہوں

تو ہی بتا اب

کہ مرگ مہتاب و خون انجم پہ نذر کیا دوں

نہ میرا ماضی نہ میرا فردا

بکھر گئی تھی جو زلف کب کی سنور چکی ہے

اور آنے والی سحر بھی آ کر گزر چکی ہے

اداس یادوں کی مضمحل رات بیت بھی جا!

udas yadon ki muzmahil rat bit bhi ja

ke meri ankhon mein ab lahu hai na khwab koi

main sab diye taq-e-arzu ke bujha chuka hun

tu hi bata ab

ke marg mahtab-o-khun anjum pe nazr kya dun

na mera mazi na mera farda

bikhar gai thi jo zulf kab ki sanwar chuki hai

aur ane wali sahar bhi a kar guzar chuki hai

udas yadon ki muzmahil rat bit bhi ja!