اس کی اک دنیا ہوں میں اور میری اک دنیا ہے وہ

اس کی اک دنیا ہوں میں اور میری اک دنیا ہے وہ

دشت میں تنہا ہوں میں اور شہر میں تنہا ہے وہ

میں بھی کیسا آئنہ ہوں آئنہ در آئنہ

دور تک چہرہ بہ چہرہ بس نظر آتا ہے وہ

اس کی خوش بو سے مہک کر پھول بن جاتا ہے دل

موسم گل کی طرح آتا ہے وہ جاتا ہے وہ

زندگی اپنی مسلسل چاہتوں کا اک سفر

اس سفر میں بارہا مل کر بچھڑ جاتا ہے وہ

خواب کیا ہے اک کھنڈر ہے یہ کھنڈر کتنا حسیں

اس کھنڈر میں سیر کرنے کے لیے آتا ہے وہ

میں سراپا آرزو ہوں آرزوئے نا تمام

مجھ کو ہر منزل سے آگے کی خبر دیتا ہے وہ

حسن کیا ہے اک غزل ہے اشکؔ اک تازہ غزل

جام ہے مینا ہے وہ ساغر ہے وو صہبا ہے وہ

us ki ik duniya hun main aur meri ik duniya hai wo

dasht mein tanha hun main aur shahr mein tanha hai wo

main bhi kaisa aina hun aina dar aina

dur tak chehra ba chehra bas nazar ata hai wo

us ki khush bu se mahak kar phul ban jata hai dil

mausam-e-gul ki tarah ata hai wo jata hai wo

zindagi apni musalsal chahaton ka ik safar

is safar mein barha mil kar bichhar jata hai wo

khwab kya hai ik khandar hai ye khandar kitna hasin

is khandar mein sair karne ke liye ata hai wo

main sarapa arzu hun arzue na tamam

mujh ko har manzil se age ki khabar deta hai wo

husn kya hai ik ghazal hai ashk ik taza ghazal

jam hai mina hai wo saghar hai wo sahba hai wo