میں بھی جھوٹا تم بھی جھوٹے

میں بھی جھوٹا تم بھی جھوٹے

آؤ چلو تنہا ہو جائیں

کون مریض اور کون مسیحا

اس دکھ سے چھٹکارا پائیں

آنکھیں اپنی خواب بھی اپنے

اپنے خواب کسے دکھلائیں

اپنی اپنی روحوں میں سب

اپنے اپنے کوڑھ سجائیں

اپنے اپنے کندھوں پر سب

اپنی اپنی لاش اٹھائیں

بیٹھ کے اپنے اپنے گھر میں

اپنا اپنا جشن منائیں

شاید لمحۂ آئندہ میں

لوگ ہمیں سچا ٹھہرائیں

main bhi jhuta tum bhi jhute

ao chalo tanha ho jaen

kaun mariz aur kaun masiha

is dukh se chhutkara paen

ankhen apni khwab bhi apne

apne khwab kise dikhlaen

apni apni ruhon mein sab

apne apne korh sajaen

apne apne kandhon par sab

apni apni lash uthaen

baith ke apne apne ghar mein

apna apna jashn manaen

shayad lamha-e-ainda mein

log hamen sachcha thahraen