تم ہجرت کا کرب نہیں جانتے

تم ہجرت کا کرب نہیں جانتے

تم نے انتظار حسینؔ کے افسانے نہیں پڑھے

ناصرؔ کاظمی کے اشعار میں چھپے ہوئے نوحے نہیں سنے

جو ہندوستان کو بنتے دیکھا ہوتا

گھروں کو جلتے دیکھا ہوتا

عصمتیں لٹتی گردنیں کٹتی

زندگی بکھرتی دیکھی ہوتی

تو شاید تم ہجرت کا کرب جان لیتے

فاسٹ فوڈ کے شوقین

اپنے حال میں گم

تمہارا کوئی مذہب کوئی نظریہ نہیں ہے

پیٹ کی بھوک سے جنس کی آسودگی تک

حیوانی فطرت

اس ہجرت کے درد کو کیسے محسوس کر سکتی ہے

tum hijrat ka karb nahin jante

tum ne intizar hasin ke afsane nahin parhe

nasir kazimi ke ashar mein chhupe hue nauhe nahin sune

jo hindostan ko bante dekha hota

gharon ko jalte dekha hota

ismaten lutti gardanen katti

zindagi bikharti dekhi hoti

to shayad tum hijrat ka karb jan lete

fast fud ke shauqin

apne hal mein gum

tumhara koi mazhab koi nazariyya nahin hai

pet ki bhuk se jins ki asudgi tak

haiwani fitrat

is hijrat ke dard ko kaise mahsus kar sakti hai