تقاضا گو ہے

تقاضا گو ہے

کہ ہم اس کے ہاتھ کو تھامیں

ہم اس کے ساتھ گزاریں کئی حسیں شامیں

میں تم سے پوچھ رہا ہوں کہ کیا ارادہ ہے

یہ نظم ہم سے محبت میں کچھ زیادہ ہے

جو تم کہو تو اسے خود پہ اوڑھ لیتے ہیں

اور اس سے عشق کی وحدت نچوڑ لیتے ہیں

ہماری بانہوں کی حدت سے پھوٹتی ہوئی نظم

یہ صرف نظم نہیں ہے

وجود وحدت ہے

خدا کا شکر کہ یہ نظم لکھ رہا ہوں میں

زمانہ وار تسلسل سے دکھ رہا ہوں میں

زمانہ وار تسلسل سے دکھ رہا ہوں میں