ڈایری کا وہ صفحہ

ڈایری کا وہ صفحہ

کہ جس پہ اتاری گئی نظم میری

اسے دیکھنے کو نظر جانے کتنی

کتابوں کے پنوں بہت خشک ہوتے چناروں کے پتوں سے ہو آ چکی ہے

اور افسردگی سے تمہیں دیکھتی ہے

وہ صفحہ تری ڈایری میں کہیں سانس لیتے ہوئے

اک تسلسل سے میرے قلم کے حسیں خواب میں کھو چکا ہے

وہ حسیں خواب اور ڈایری کا وہ صفحہ

مجھے دیکھنا ہے

وہ صفحہ دکھا دو

جو ممکن ہو مجھ کو مجھی سے ملا دو

جو ممکن ہو مجھ کو مجھی سے ملا دو