جو فقط ناف پیالے کے تصور میں ہوں گم

جو فقط ناف پیالے کے تصور میں ہوں گم

کس طرح ناف سے جڑنے کا تقدس جانیں

کس طرح چاک کو اور چاک کی وحدت جانیں

نو جہانوں کی اگر خاک اڑائیں تو کہیں

خاک ہونا کسے کہتے ہیں

سمجھ میں آئے

اور پھر آگ میں اور آب میں گوندھی ہوئی خاک

کتنی مقدار میں بیدار ہوا چاہتی ہے

دل کی دھک دھک کے لیے دل میں خدا چاہتی ہے

ناف میں کھو کے نہیں

جڑنے سے کھل پاتا ہے

ناف در ناف یہ جڑنے کا تقدس جاناں

ناف در ناف یہ جڑنے کا تقدس جاناں

jo faqat naf pyale ke tasawwur mein hun gum

kis tarah naf se jurne ka taqaddus janen

kis tarah chak ko aur chak ki wahdat janen

nau jahanon ki agar khak uraen to kahin

khak hona kise kahte hain

samajh mein ae

aur phir ag mein aur ab mein gundhi hui khak

kitni miqdar mein bedar hua chahti hai

dil ki dhak dhak ke liye dil mein khuda chahti hai

naf mein kho ke nahin

jurne se khul pata hai

naf dar naf ye jurne ka taqaddus janan

naf dar naf ye jurne ka taqaddus janan