کبھی محبت پہ نظم ہو تو

کبھی محبت پہ نظم ہو تو

مجھے بھی لکھنا

تم اپنی آنکھوں کے راستے پہ

پلک کنارے

کوئی بھی جگنو سا خواب دیکھو کتاب دیکھو

اور اس میں کچھ اجلے اجلے لوگوں کے باب دیکھو

تو جان لینا یہ میں نہیں ہوں

مجھے گزرنا ہے باب ہونے کتاب ہونے کے مرحلوں سے

تم اپنی پوروں مجھے ٹٹولو تو باب ٹھہروں

پہاڑیوں کے بلند زینوں سے چاند تکتے

جو مجھ کو سوچو تو خواب ٹھہروں

سماعتوں سے ورا جو الفاظ ہیں سبھی کو

تم اپنے ہاتھوں سے میرے ہاتھوں پہ گر لکھو تو کتاب ٹھہروں

محبتوں کا نصاب ٹھہروں

کبھی محبت پہ نظم ہو تو

مجھے بھی لکھنا

کبھی محبت پہ نظم ہو تو

مجھے بھی لکھنا

kabhi mohabbat pe nazm ho to

mujhe bhi likhna

tum apni ankhon ke raste pe

palak kinare

koi bhi jugnu sa khwab dekho kitab dekho

aur is mein kuchh ujle ujle logon ke bab dekho

tu jan lena ye main nahin hun

mujhe guzarna hai bab hone kitab hone ke marhalon se

tum apni poron mujhe tatolo to bab thahrun

pahariyon ke buland zinon se chand takte

jo mujh ko socho to khwab thahrun

samaaton se wara jo alfaz hain sabhi ko

tum apne hathon se mere hathon pe gar likho to kitab thahrun

mohabbaton ka nisab thahrun

kabhi mohabbat pe nazm ho to

mujhe bhi likhna

kabhi mohabbat pe nazm ho to

mujhe bhi likhna