ترے تکیے پہ سر رکھے

ترے تکیے پہ سر رکھے

تری ہی زلف کی خوشبو

کچھ ایسے لب ہلاتی ہے

محبت گنگناتی ہے

جو تم نے وصل کی شب سلوٹیں بستر پہ بوئی تھیں

اب ان پر پھول آئے ہیں

اور ان سے پھوٹتی خوشبو سے

آشاؤں کی چادر بھیگ جاتی ہے

محبت گنگناتی ہے

تری پاپوش کے پہلو سے جو رستہ نکلتا ہے

اسی پہ دل ٹہلتا ہے

تعلق کی گلی کے موڑ پر بیٹھے

ترے نقش قدم سے منزلوں کی باس آتی ہے

محبت گنگناتی ہے

tire takiye pe sar rakhe

tiri hi zulf ki khushbu

kuchh aise lab hilati hai

mohabbat gungunati hai

jo tum ne wasl ki shab saluten bistar pe boi thin

ab un par phul ae hain

aur un se phutti khushbu se

ashaon ki chadar bhig jati hai

mohabbat gungunati hai

tiri paposh ke pahlu se jo rasta nikalta hai

usi pe dil tahalta hai

taalluq ki gali ke mor par baithe

tire naqsh-e-qadam se manzilon ki bas ati hai

mohabbat gungunati hai