اک نئی جنگ کا آغاز کریں

اک نئی جنگ کا آغاز کریں

خوب لڑیں

نسل در نسل لڑیں پل کو بھی پیچھے نہ ہٹیں

رنگ سے نور سے پھولوں سے بھرے بم لے کر

عالمی جنگ لڑیں

جس کے لڑنے سے زمیں رنگ میں نہلا جائے

جبر کی رات کٹے اور بہار آ جائے

اس قدر جنگ لڑیں جی کو قرار آ جائے

اس قدر جنگ کہ قدرت کو بھی پیار آ جائے

جس قدر جلد ہو اس جنگ کا آغاز کریں

اب فقط پیار فقط پیار فقط پیار کریں

ik nai jang ka aghaz karen

khub laren

nasl dar nasl laren pal ko bhi pichhe na haten

rang se nur se phulon se bhare bam le kar

alami jang laren

jis ke larne se zamin rang mein nahla jae

jabr ki rat kate aur bahar a jae

is qadar jang laren ji ko qarar a jae

is qadar jang ke qudrat ko bhi pyar a jae

jis qadar jald ho is jang ka aghaz karen

ab faqat pyar faqat pyar faqat pyar karen