اجازت چاہیے ہم کو تمہارے خال و خد اوڑھیں

اجازت چاہیے ہم کو تمہارے خال و خد اوڑھیں

تمہارے حسن کے برگد کے سائے

دو گھڑی رک کر

حیات جاوداں پائیں

اور ایسے میں کہیں خود پر

تمہیں بھی مہرباں پائیں

اجازت چاہیے ہم کو

تمہاری زلف سے اپنی نظر کی ڈوریاں باندھیں

وہی دیکھیں جو تم دیکھو

اور ایسے میں ترے جھمکوں سے کچھ سرگوشیاں کر لیں

تری چنری کو چھو لیں اور ستاروں سا چمک اٹھیں

فلک پہ دور تک تیرے ہی قدموں کے نشاں ڈھونڈیں

ہمیں منزل سے کیا لینا ہمیں رستے سے کیا لینا

ہیں تیرے عشق کے بندے

ہمیں اپنا بنا لینا

ہمیں اپنا بنا لینا

ijazat chahiye ham ko tumhare khal-o-khad orhen

tumhare husn ke bargad ke sae

do ghari ruk kar

hayat-e-jawedan paen

aur aise mein kahin khud par

tumhen bhi mehrban paen

ijazat chahiye ham ko

tumhari zulf se apni nazar ki doriyan bandhen

wahi dekhen jo tum dekho

aur aise mein tire jhamkon se kuchh sargoshiyan kar len

tiri chunri ko chhu len aur sitaron sa chamak uthen

falak pe dur tak tere hi qadmon ke nishan dhunden

hamen manzil se kya lena hamen raste se kya lena

hain tere ishq ke bande

hamen apna bana lena

hamen apna bana lena