یہ کائنات کے تلووں کو چاٹتا ہوا دن

یہ کائنات کے تلووں کو چاٹتا ہوا دن

طلوع صبح سے لے کر دیار عصر تلک

بنے ہے ایک تسلسل سے روشنائی کے تار

کہ جن سے باندھا گیا ہے

فلک پہ تاروں کو

دیوں کو اور دیوں سے سجے دیاروں کو

یہ کائنات کے تلووں کو چاٹتا ہوا دن

مجاوران در عشق کے قریں رہ کر

جناب عشق کے

حجرے میں شب گزارتا ہے

چراغ عشق کی لو میں سے

دن ابھارتا ہے

چراغ عشق کی لو میں سے

دن ابھارتا ہے

ye kainat ke talwon ko chatta hua din

tulu-e-subh se le kar dayar-e-asr talak

bane hai ek tasalsul se raushnai ke tar

ke jin se bandha gaya hai

falak pe taron ko

diyon ko aur diyon se saje dayaron ko

ye kainat ke talwon ko chatta hua din

mujawiran dar ishq ke qarin rah kar

janab-e-ishq ke

hujre mein shab guzarta hai

charagh-e-ishq ki lau mein se

din ubharta hai

charagh-e-ishq ki lau mein se

din ubharta hai