ہم اپنے اپنے بدن کی حدوں میں گم رہ کر

ہم اپنے اپنے بدن کی حدوں میں گم رہ کر

بہت حسین بہت ہی مہین جذبوں کو

گھٹن کی آگ میں جلنے کو چھوڑ دیتے ہیں

ہم اپنی میں کی عقیدت میں سجدہ زن ہو کر

قسم وجود کی مرنے کو چھوڑ دیتے ہیں

حدود جسم سے باہر نکل کے مل کسی دن

دکھا نکال کے سینے سے اپنے دل کسی دن

یہ بات پیار میں سننے کو ہے حسیں جانا

پہ ہم نے عشق کی تجسیم کو نہیں مانا

وجود عین کی یکتائی کو نہیں مانا

یہ رہ گزار محبت سبھی کے واسطے ہے

وجود وحدت معراج بیچ راستے ہے

کبھی جو آنا تو پورے بدن کے ساتھ آنا

کبھی جو آنا تو پورے بدن کے ساتھ آنا

ham apne apne badan ki hadon mein gum rah kar

bahut hasin bahut hi mahyun jazbon ko

ghutan ki ag mein jalne ko chhor dete hain

ham apni mein ki aqidat mein sajda zan ho kar

qasam wajud ki marne ko chhor dete hain

hudud-e-jism se bahar nikal ke mil kisi din

dikha nikal ke sine se apne dil kisi din

ye bat pyar mein sunne ko hai hasin jana

pe ham ne ishq ki tajsim ko nahin mana

wajud ain ki yaktai ko nahin mana

ye rah guzar-e-mohabbat sabhi ke waste hai

wajud wahdat meraj bich raste hai

kabhi jo ana to pure badan ke sath ana

kabhi jo ana to pure badan ke sath ana