ملے ہم جو اب کے کئی سال بعد

ملے ہم جو اب کے کئی سال بعد

تمہیں بھی ملامت مجھے بھی ملال

تمہارے بھی چہرے کے پھیکے تھے رنگ

میرا چہرہ جیسے بھٹکتا ملنگ

کئی راز چپ کی صداؤں میں تھے

ہماری سلگتی وفاؤں میں تھے

عجب وقت و منظر عجب ماہ و سال

نہ کوئی جواب اور نہ کوئی سوال

بڑی کوششیں کی کہ اک ہو سکیں

ذرا کھل کے ہنس لیں ذرا رو سکیں

گزشتہ کے کچھ تو نشاں دھو سکیں

مگر اب یہ ممکن کہاں تھا ندیمؔ

نہ پہلے سے دن تھے نہ پہلے سی رات

نہ پہلے سے لہجے نہ پہلے سی بات

نہ پہلے سا ہم پہ محبت کا جال

نہ پہلے سا جیون نہ ہی ماہ و سال

mile ham jo ab ke kai sal baad

tumhen bhi malamat mujhe bhi malal

tumhare bhi chehre ke phike the rang

mera chehra jaise bhatakta malang

kai raz chup ki sadaon mein the

hamari sulagti wafaon mein the

ajab waqt-o-manzar ajab mah-o-sal

na koi jawab aur na koi sawal

bari koshishen ki ke ik ho saken

zara khul ke hans len zara ro saken

guzishta ke kuchh to nishan dho saken

magar ab ye mumkin kahan tha nadim

na pahle se din the na pahle si rat

na pahle se lahje na pahle si bat

na pahle sa ham pe mohabbat ka jal

na pahle sa jiwan na hi mah-o-sal