روز و شب

روز و شب

حلقۂ آفات ہیں

ہر لحظہ جواں

سلسلہ وقت کی گردش کا یہاں

سب ہیں پابندیٔ اوقات زمانہ میں مگن

جان و تن فہم و خرد ہوش و گماں

تم ہی تنہا نہیں اس سیل رواں میں مجبور

میں بھی جیتی ہوں یہاں خود سے گریزاں ہو کر

پھر بھی اک لمحے کی فرصت جو میسر آئے

دل وہیں چپکے سے دھڑکن کو جگا دیتا ہے

تار راتوں میں بکھرتی ہیں روپہلی کرنیں

چاندنی پچھلی ملاقاتوں کے آئینے میں

روز آئندہ سے ملتی ہے گلے

کہتی ہے

ان کہی باتوں کی خوشبو سے معطر رکھنا

اپنی آواز ابھی

زندگی کتنی ہی بے مہر سہمی

پھر بھی بہار آئے گی

آنکھوں میں بسائے رکھنا میرے انداز ابھی

roz-o-shab

halqa-e-afat hain

har lahza jawan

silsila waqt ki gardish ka yahan

sab hain pabandi-e-auqat zamana mein magan

jan-o-tan fahm-o-khirad hosh-o-guman

tum hi tanha nahin is sail-e-rawan mein majbur

main bhi jiti hun yahan khud se gurezan ho kar

phir bhi ik lamhe ki fursat jo muyassar ae

dil wahin chupke se dharkan ko jaga deta hai

tar raton mein bikharti hain rupehli kirnen

chandni pichhli mulaqaton ke aine mein

roz ainda se milti hai gale

kahti hai

an kahi baton ki khushbu se muattar rakhna

apni awaz abhi

zindagi kitni hi be mehr sahmi

phir bhi bahar aegi

ankhon mein basae rakhna mere andaz abhi