چاند پھر تاروں کی اجلی ریز گاری دے گیا

چاند پھر تاروں کی اجلی ریز گاری دے گیا

رات کو یہ بھیک کیسی خود بھکاری دے گیا

ٹانکتی پھرتی ہیں کرنیں بادلوں کی شال پر

وہ ہوا کے ہاتھ میں گوٹا کناری دے گیا

کر گیا ہے دل کو ہر اک واہمے سے بے نیاز

روح کو لیکن عجب سی بے قراری دے گیا

شور کرتے ہیں پرندے پیڑ کٹتا دیکھ کر

شہر کے دست ہوس کو کون آری دے گیا

اس نے گھائل بھی کیا تو کیسے پتھر سے نسیمؔ

پھول کا تحفہ مجھے میرا شکاری دے گیا

chand phir taron ki ujli rez gari de gaya

rat ko ye bhik kaisi khud bhikari de gaya

tankti phirti hain kirnen badalon ki shal par

wo hawa ke hath mein gota kinari de gaya

kar gaya hai dil ko har ik wahime se be niyaz

ruh ko lekin ajab si be qarari de gaya

shor karte hain parinde per katta dekh kar

shahr ke dast-e-hawas ko kaun ari de gaya

us ne ghayal bhi kya to kaise patthar se nasim

phul ka tohfa mujhe mera shikari de gaya