ہاتھ ہاتھوں میں نہ دے بات ہی کرتا جائے

ہاتھ ہاتھوں میں نہ دے بات ہی کرتا جائے

ہے بہت لمبا سفر یوں تو نہ ڈرتا جائے

جی میں ٹھانی ہے کہ جینا ہے بہرحال مجھے

جس کو مرنا ہے وہ چپ چاپ ہی مرتا جائے

خود کو مضبوط بنا رکھے پہاڑوں کی طرح

ریت کا آدمی اندر سے بکھرتا جائے

سرخ پھولوں کا نہیں زرد اداسی کا سہی

رنگ کچھ تو مری تصویر میں بھرتا جائے

مجھ سے نفرت ہے اگر اس کو تو اظہار کرے

کب میں کہتا ہوں مجھے پیار ہی کرتا جائے

گھر کی دیوار کو اتنا بھی تو اونچا نہ بنا

تیرا ہمسایہ ترے سائے سے ڈرتا جائے

hath hathon mein na de bat hi karta jae

hai bahut lamba safar yun to na darta jae

ji mein thani hai ke jina hai bahrhal mujhe

jis ko marna hai wo chup chap hi marta jae

khud ko mazbut bana rakhe paharon ki tarah

ret ka admi andar se bikharta jae

surkh phulon ka nahin zard udasi ka sahi

rang kuchh to miri taswir mein bharta jae

mujh se nafrat hai agar us ko to izhar kare

kab main kahta hun mujhe pyar hi karta jae

ghar ki diwar ko itna bhi to uncha na bana

tera hamsaya tire sae se darta jae