سب کو اپنی طرح سمجھتی ہے

سب کو اپنی طرح سمجھتی ہے

یار تو بھی نہ کتنی بھولی ہے

سرخ دیکھے ہیں میں نے لب اس کے

ایسا لگتا ہے خون پیتی ہے

لڑ رہی ہے وہ بے سبب مجھ سے

شکر ہے عشق اب بھی باقی ہے

اس کو سلجھانے میں لگے ہیں سب

شاعری زلف یا پہیلی ہے

کل تلک میں ہی جس کا سب کچھ تھا

آج وہ نام سے بھی چڑھتی ہے

جاتے جاتے وہ کہہ رہی تھی مجھے

کیا کروں یہ خدا کی مرضی ہے

موت تو سر پہ ہے کھڑی کب سے

بیٹھیے آپ کرسی خالی ہے

sab ko apni tarah samajhti hai

yar tu bhi na kitni bhuli hai

surkh dekhe hain main ne lab us ke

aisa lagta hai khun piti hai

lar rahi hai wo be sabab mujh se

shukr hai ishq ab bhi baqi hai

us ko sulajhane mein lage hain sab

shayari zulf ya paheli hai

kal talak mein hi jis ka sab kuchh tha

aj wo nam se bhi charhti hai

jate jate wo kah rahi thi mujhe

kya karun ye khuda ki marzi hai

maut to sar pe hai khari kab se

baithiye ap kursi khali hai