سحر نے مسرت کا نغمہ سنایا

سحر نے مسرت کا نغمہ سنایا

فضا نے گلستاں کا دامن سجایا

ہواؤں نے اخلاق کا گیت گایا

نگاہوں سے ماضی کا پردہ اٹھایا

نیا سال آیا نیا سال آیا

مسرت مسرت کے گن گا رہی ہے

مساوات کے پھول برسا رہی ہے

صدائے سلامت روی آ رہی ہے

زمیں مسکرائی فلک مسکرایا

نیا سال آیا نیا سال آیا

یہ ہندوستاں ایک آواز ہوگا

اب انسان انسان کا دم ساز ہوگا

نئے دور کا پھر سے آغاز ہوگا

نیا سن نئی رت کا پیغام لایا

نیا سال آیا نیا سال آیا

تعصب کی پرچھائیاں اب نہ ہوں گی

وہ پچھلی صف آرائیاں اب نہ ہوں گی

زمانے میں رسوائیاں اب نہ ہوں گی

محبت کا ماحول ہر سمت چھایا

نیا سال آیا نیا سال آیا

نہ آئندہ آپس میں رخنے پڑیں گے

نہ آئندہ اپنی ضدوں پر اڑیں گے

لئیقؔ اب نہ آپس میں انساں لڑیں گے

یکم جنوری نے یہ مژدہ سنایا

نیا سال آیا نیا سال آیا

sahar ne masarrat ka naghma sunaya

faza ne gulistan ka daman sajaya

hawaon ne akhlaq ka git gaya

nigahon se mazi ka parda uthaya

naya sal aya naya sal aya

masarrat masarrat ke gin ga rahi hai

musawat ke phul barsa rahi hai

sada-e-salamat rawi a rahi hai

zamin muskurai falak muskuraya

naya sal aya naya sal aya

ye hindostan ek awaz hoga

ab insan insan ka dam saz hoga

nae daur ka phir se aghaz hoga

naya sun nai rut ka paigham laya

naya sal aya naya sal aya

taassub ki parchhaiyan ab na hongi

wo pichhli saf araiyan ab na hongi

zamane mein ruswaiyan ab na hongi

mohabbat ka mahaul har samt chhaya

naya sal aya naya sal aya

na ainda apas mein rakhne parenge

na ainda apni zidon par urenge

laiq ab na apas mein insan larenge

yakum janwari ne ye muzhda sunaya

naya sal aya naya sal aya