یہ بھی کیا کم ہے کہ تو نے مجھے پہچان لیا

یہ بھی کیا کم ہے کہ تو نے مجھے پہچان لیا

وہ بھی کیا رات تھی جب تجھ سے ملاقات ہوئی

سہمی سہمی سی نگاہوں میں ذرا بات ہوئی

جب تری زلف پر افشاں سے ہوا آتی تھی

دل کے تاریک بیابان مہک جاتے تھے

تو نے گھبرا کے چھپائی تھیں جو اپنی آنکھیں

جیسے دو ساغر رنگین کہیں چھلکے تھے

جب مرا ہاتھ ترے ہاتھ سے چھو جاتا تھا

تار جیسے کہیں بجلی کے سنک جاتے تھے

یہ بھی کیا کم ہے کہ تو نے مجھے پہچان لیا

ye bhi kya kam hai ke tu ne mujhe pahchan liya

wo bhi kya rat thi jab tujh se mulaqat hui

sahmi sahmi si nigahon mein zara bat hui

jab tiri zulf par afshan se hua ati thi

dil ke tarik bayaban mahak jate the

tu ne ghabra ke chhupai thin jo apni ankhen

jaise do saghar-e-rangin kahin chhalke the

jab mira hath tire hath se chhu jata tha

tar jaise kahin bijli ke sank jate the

ye bhi kya kam hai ke tu ne mujhe pahchan liya