غزالہ

غزالہ

کئی بار پوچھا ہے میں نے

دھندھلکوں میں شب کے

مزے شہر کے چار مینار سے

جو اہل دکن کی محبت کا ماڈل ہے اب تک

کئی بار پوچھا

تجھی کو سر بزم کیوں میں نے دیکھا

جو دیکھا تو کیوں دیر تک تجھ کو دیکھا کیا

مجھے یوں لگا

میرے بچپن کی کھوئی ہوئی آرزو کا نشاں مل گیا

ترا روپ آذر کا حسن تفکر

کوئی واہمہ تو نہیں

یہ آنکھیں جو خیام کا میکدہ ہیں

کوئی حادثہ تو نہیں

کوئی خواب رنگیں جو تعبیر کی وادیوں تک نہ پہنچا

کوئی میرے پچھلے جنم کی ادھوری تمنا

غزالہ

اگر شدت آرزو میں صداقت ہے اپنی

تو اگلے جنم میں کسی موڑ پر پھر ملیں گے

یہ آوا گون کے حسیں سلسلے تو ابد تک رہیں گے

تمنائیں شعروں میں ڈھلتی رہیں گی

ghazala

kai bar puchha hai main ne

dhandhalkon mein shab ke

maze shahr ke char minar se

jo ahl-e-dakan ki mohabbat ka madal hai ab tak

kai bar puchha

tujhi ko sar-e-bazm kyun main ne dekha

jo dekha to kyun der tak tujh ko dekha kya

mujhe yun laga

mere bachpan ki khoi hui arzu ka nishan mil gaya

tira rup azar ka husn tafakkur

koi wahima to nahin

ye ankhen jo khayyam ka maikada hain

koi hadisa to nahin

koi khwab rangin jo taabir ki wadiyon tak na pahuncha

koi mere pichhle janam ki adhuri tamanna

ghazala

agar shiddat-e-arzu mein sadaqat hai apni

tu agle janam mein kisi mor par phir milenge

ye awa gon ke hasin silsile to abad tak rahenge

tamannaen sheron mein dhalti rahengi