فضائیں تلملا اٹھیں جو میں نے گنگنا دیا

فضائیں تلملا اٹھیں جو میں نے گنگنا دیا

حیات رسمسا گئی جو میں نے مسکرا دیا

فنا بقا کے درمیاں

کھینچی ہوئی ہے جو لکیر

حیات و موت کے سرے پہ ناچتے رہے ہیں ہم

ادھر تو عشق ہے اداس

ادھر ہے حسن مضمحل

ادھر پیالہ تشنہ کام

ادھر شباب بے قرار

نہ ہاتھ میں بڑھا سکا نہ تم اٹھا سکے قدم

فضائیں تلملا اٹھیں

ندی کی موج موج میں چراغ سے لپک اٹھے

فنا بقا کے درمیاں

ستاروں کی سہیلیاں

سیندور لے کے تھال میں

سنوارنے کو آ گئیں

عروس مہ کے پیچ و خم

نہ ہاتھ میں بڑھا سکا نہ تم بڑھا سکے قدم

سنور چکا ہے حسن بھی

بکھر رہی ہے غنچگی

کھڑے ہوئے ہیں کارواں

فنا بقا کے درمیاں

کھینچی ہوئی لکیر مل کے آؤ ہم مٹا نہ دیں

حدیں جو مستقل سی ہیں وہ راہ سے ہٹا نہ دیں

بنائیں اک حیات نو نشاط و بے خودی میں ہم

پھٹے پھٹے سے بادلوں میں

ہنس رہی ہے چاندنی

fazaen tilmila uthen jo main ne gunguna diya

hayat rasmasa gai jo main ne muskura diya

fana baqa ke darmiyan

khinchi hui hai jo lakir

hayat-o-maut ke sire pe nachte rahe hain ham

idhar to ishq hai udas

idhar hai husn muzmahil

idhar pyala tishna kam

idhar shabab be qarar

na hath mein barha saka na tum utha sake qadam

fazaen tilmila uthen

nadi ki mauj mauj mein charagh se lapak uthe

fana baqa ke darmiyan

sitaron ki saheliyan

sendur le ke thal mein

sanwarne ko a gain

urus-e-mah ke pech-o-kham

na hath mein barha saka na tum barha sake qadam

sanwar chuka hai husn bhi

bikhar rahi hai ghunchagi

khare hue hain karwan

fana baqa ke darmiyan

khinchi hui lakir mil ke ao ham mita na den

haden jo mustaqil si hain wo rah se hata na den

banaen ik hayat-e-nau nishat-o-be khudi mein ham

phate phate se badalon mein

hans rahi hai chandni