ابھی فضاؤں میں طاری ہے مضطرب سا سکوں

ابھی فضاؤں میں طاری ہے مضطرب سا سکوں

ابھی خلاؤں میں آواز گونج جاتی ہے

ابھی تو راہ گزر پر قدم جمے بھی نہیں

ابھی تو کانپنے لگتا ہے دل ہر آہٹ پر

سفر طویل بھیانک فضائیں دل مجبور

ارادے جیسے مسافر کوئی تھکن سے چور

مجھے یہ ڈر ہے کہیں تو بھی ساتھ چھوڑ نہ دے

جنوں میں ایسے ہزاروں مقام آئے تھے

قدم قدم پہ جہاں نقرئی تبسم تھا

جہاں پہ حسن تھا نغمہ تھا اور ترنم تھا

بہ قید ہوش ہزاروں ہی جام آئے تھے

حریم ناز سے کتنے سلام آئے تھے

وفا کے نام پہ لاکھوں پیام آئے تھے

مگر یہ حسن نہ تھا حسن کا دکھاوا تھا

وفا کے نام پہ جیسے حسین دھوکا تھا

نہ جانے کیوں تری باتوں پہ اعتبار سا ہے

مجھے یہ ڈر ہے کہیں تو بھی ساتھ چھوڑ نہ دے

ابھی خلاؤں میں آواز گونج جاتی ہے

abhi fazaon mein tari hai muztarib sa sukun

abhi khalaon mein awaz gunj jati hai

abhi to rah guzar par qadam jame bhi nahin

abhi to kanpne lagta hai dil har ahat par

safar tawil bhayanak fazaen dil majbur

irade jaise musafir koi thakan se chur

mujhe ye dar hai kahin tu bhi sath chhor na de

junun mein aise hazaron maqam ae the

qadam qadam pe jahan nuqrai tabassum tha

jahan pe husn tha naghma tha aur tarannum tha

ba qaid-e-hosh hazaron hi jam ae the

harim-e-naz se kitne salam ae the

wafa ke nam pe lakhon payam ae the

magar ye husn na tha husn ka dikhawa tha

wafa ke nam pe jaise hasin dhoka tha

na jane kyun tiri baton pe etibar sa hai

mujhe ye dar hai kahin tu bhi sath chhor na de

abhi khalaon mein awaz gunj jati hai