دکھاتی ہے کیا رنگ کیا شان ہولی

دکھاتی ہے کیا رنگ کیا شان ہولی

نشاط و طرب کا ہے سامان ہولی

دکھاتی ہے کیا رنگ کیا شان ہولی

فضاؤں میں گونجے ہوئے ہیں ترانے

کوئی رنگ کھیلے کوئی گائے گانے

کہیں چہچہے ہیں کہیں قہقہے ہیں

نکالے ہر اک دل کا ارمان ہولی

دکھاتی ہے کیا رنگ کیا شان ہولی

بہاروں سے دامن سجائے ہوئے ہے

نشاں رنج و غم کا مٹائے ہوئے ہے

لٹاتی ہے گھر گھر خوشی کا خزانہ

سجاتی ہے ہر لب پہ مسکان ہولی

دکھاتی ہے کیا رنگ کیا شان ہولی

عداوت کی چنگاریوں کو بجھا کر

دلوں میں محبت کی کلیاں کھلا کر

سبق بھائی چارے کا دیتی ہے سب کو

بناتی ہے انساں کو انسان ہولی

دکھاتی ہے کیا رنگ کیا شان ہولی

dikhati hai kya rang kya shan holi

nishat-o-tarab ka hai saman holi

dikhati hai kya rang kya shan holi

fazaon mein gunje hue hain tarane

koi rang khele koi gae gane

kahin chahchahe hain kahin qahqahe hain

nikale har ik dil ka arman holi

dikhati hai kya rang kya shan holi

baharon se daman sajae hue hai

nishan ranj-o-gham ka mitae hue hai

lutati hai ghar ghar khushi ka khazana

sajati hai har lab pe muskan holi

dikhati hai kya rang kya shan holi

adawat ki chingariyon ko bujha kar

dilon mein mohabbat ki kaliyan khula kar

sabaq bhai chare ka deti hai sab ko

banati hai insan ko insan holi

dikhati hai kya rang kya shan holi