برسات کی رت آئی گھنگھور گھٹا چھائی

برسات کی رت آئی گھنگھور گھٹا چھائی

آکاش کا من لہکا دھرتی کو ہنسی آئی

برسات کی رت آئی گھنگھور گھٹا چھائی

پروائی کی سن سن میں شاداب چمن جھومے

شاخوں کی کمر لچکی پھولوں کے بدن جھومے

رنگین نظاروں میں مدہوش پھواروں میں

جھرنوں کی مدھر لے پر جنگل کی فضا گائی

برسات کی رت آئی گھنگھور گھٹا چھائی

موسم کی جوانی پھر جادو سا جگاتی ہے

آواز پپیہے کی پھر ہوش اڑاتی ہے

پھر گونج اٹھے نغمے پھر جاگ اٹھے ارماں

سینے میں امنگیں پھر لینے لگیں انگڑائی

برسات کی رت آئی گھنگھور گھٹا چھائی

میدان میں بستی میں کہسار میں پانی ہے

بازار میں پانی ہے گل زار میں پانی ہے

امڈی ہوئی ندیاں ہیں چڑھتے ہوئے نالے ہیں

ہر بوند مجیرا ہے ہر موج ہے شہنائی

برسات کی رت آئی گھنگھور گھٹا چھائی

barsat ki rut ai ghanghor ghata chhai

akash ka man lahka dharti ko hansi ai

barsat ki rut ai ghanghor ghata chhai

purwai ki sun sun mein shadab chaman jhume

shakhon ki kamar lachki phulon ke badan jhume

rangin nazaron mein madhosh phuaron mein

jharnon ki madhur le par jangal ki faza gai

barsat ki rut ai ghanghor ghata chhai

mausam ki jawani phir jadu sa jagati hai

awaz papihe ki phir hosh urati hai

phir gunj uthe naghme phir jag uthe arman

sine mein umangen phir lene lagen angrai

barsat ki rut ai ghanghor ghata chhai

maidan mein basti mein kohsar mein pani hai

bazar mein pani hai gul zar mein pani hai

umdi hui nadiyan hain charhte hue nale hain

har bund majjira hai har mauj hai shahnai

barsat ki rut ai ghanghor ghata chhai