رہ وطن میں قدم سے قدم ملا کے چلو

رہ وطن میں قدم سے قدم ملا کے چلو

نشان عظمت ہندوستاں اٹھا کے چلو

رہ وطن میں قدم سے قدم ملا کے چلو

بڑھو دلوں میں عزائم کی بجلیاں لے کر

لبوں پہ ہمت و محنت کی داستاں لے کر

ہر اک موج مصائب سے کھیلتے گزرو

اجل بھی سامنے آئے تو مسکرا کے چلو

رہ وطن میں قدم سے قدم ملا کے چلو

بھلا دو بغض و عداوت کی داستانوں کو

جلا دو فرقہ پرستی کے آشیانوں کو

ہر ایک سمت بکھیرو خلوص کے نغمے

دلوں میں جذبۂ مہر و وفا جگا کے چلو

رہ وطن میں قدم سے قدم ملا کے چلو

کچھ اور بزم وطن کو سنوارنا ہے ابھی

کچھ اور اپنے چمن کو نکھارنا ہے ابھی

یہ غفلتوں کا زمانہ نہیں وطن والو

دکھاؤ جوش عمل غفلتیں مٹا کے چلو

رہ وطن میں قدم سے قدم ملا کے چلو

rah-e-watan mein qadam se qadam mila ke chalo

nishan-e-azmat hindostan utha ke chalo

rah-e-watan mein qadam se qadam mila ke chalo

barho dilon mein azaim ki bijliyan le kar

labon pe himmat-o-mehnat ki dastan le kar

har ik mauj-e-masaib se khelte guzro

ajal bhi samne ae to muskura ke chalo

rah-e-watan mein qadam se qadam mila ke chalo

bhula do bughz-o-adawat ki dastanon ko

jala do firqa parasti ke ashiyanon ko

har ek samt bikhero khulus ke naghme

dilon mein jazba-e-mehr-o-wafa jaga ke chalo

rah-e-watan mein qadam se qadam mila ke chalo

kuchh aur bazm-e-watan ko sanwarna hai abhi

kuchh aur apne chaman ko nikharna hai abhi

ye ghaflaton ka zamana nahin watan walo

dikhao josh-e-amal ghaflaten mita ke chalo

rah-e-watan mein qadam se qadam mila ke chalo